Зінаіда Міхнюк: Новы Працоўны кодэкс узаконіў рабства
Новы Працоўны кодэкс Беларусі ўзаконіў рабства і стаў горшым у свеце. Калі ўсе правы мае толькі наймальнік, калі працоўнага дазволена перадаваць з рук у рукі, калі наймальніку дадзена права без тлумачэння звальняць.
Кроплі станоўчага перакрываюцца адмоўным у стакроць, кажа старшыня Прафсаюза радыёэлектроннай прамысловасці Зінаіда Міхнюк:
– Кодэкс заканадаўча замацаваў прымусовую працу. Усё вырашае наймальнік, і чалавек можа скасаваць кантракт, калі ён заканчваецца. За месяц ён піша, што просіць звольніць яго па заканчэнні тэрміну кантракту. І толькі тады можа зняць сваё рабства і пайсці да іншага “барына” і трапіць у такую ж самую кабалу.
Паводле Зінаіды Міхнюк, пакуль рабочыя не зразумеюць, што іх выратаванне ў салідарнасці, нічога добрага іх не чакае. А для пачатку патрэбна выйсці з дзяржаўнага прафсаюза, які створаны для падтрымкі і так неабмежаваных паўнамоцтваў начальства. А калі гэта страшна, то хаця б самім выбіраць кіраўніка, а не пакорна прымаць прапанаванага кіраўніцтвам. Страх і пакорнасць не спрыяюць дабрабыту, упэўнена старшыня прафсаюза РЭП Міхнюк.
Цалкам матэрыял у далучаным гукавым файле:
Беларускае Радыё Рацыя
