Беларусь змяншае нормы бязмытавага ўвозу тавараў
Для беларусаў чарговы раз змяншаюць нормы бязмытавага ўвозу тавараў на тэрыторыю нашай краіны. Гэта вынікае з адпаведнага рашэння Еўразійскай эканамічнай камісіі, куды ўваходзіць і Рэспубліка Беларусь. „Шмат для каго паездкі „на закупы” за мяжу па тавары як для прыватнага выкарыстання, так і для дробнага паўпадпольнага гандлю, з’яўляюцца важным эканамічным складнікам сямейнага бюджэту”, – зазначаюць жыхары памежных з Польшчай рэгіёнаў:
– Там таннейшыя і больш якасныя рэчы, чым тут, таму збіраемся і перыядычна ездзім.
– Усё напалову танней. І прадукты таннейшыя. Жадаючых шмат, людзі стараюцца для сябе, для сваіх патрэбаў.
Змены нормаў увозу запрацуюць з 1 студзеня 2019 года. Такім чынам чалавек, які выязджаў не часцей за адзін раз на тры месяцы за мяжу, зможа ўвезці тавараў на агульную суму ў 500 еўра і вагой у 25 кілаграмаў. Гэта ў тры разы меней у грашовым і ў два ў вагавым эквівалентах, чым ёсць цяпер.
Беларускае Радыё Рацыя, Берасце
Фота: regnum.ru
Глядзіце таксама
