Зніклую 14-гадовую школьніцу з Кобрынскага раёна знайшлі ў Баранавічах
Зніклую 14-гадовую Алену Крыштафовіч з Кобрынскага раёна знайшлі ў Баранавічах.
Як паведаміў БелаПАН афіцыйны прадстаўнік УУС Берасцейскага аблвыканкама Сяргей Дучэнка, школьніцу знайшлі супрацоўнікі крымінальнага вышуку Баранавіцкага РАУС 23 студзеня ў Баранавічах па месцы жыхарства яе хлопца.
У Баранавічы выехалі супрацоўнікі інспекцыі па справах непаўналетніх Кобрынскага РАУС для суправаджэння дзевяцікласніцы дадому.
Шукаць Алену Крыштафовіч пачалі пасля таго, як 21 студзеня ў 1.20 у міліцыю звярнулася яе маці. Жыхарка вёскі Акцябр Кобрынскага раёна расказала, што 20 студзеня каля 9.00 дачка пайшла з дому. Маці дзяўчынка сказала, што ідзе ў школу ў спартыўную секцыю, дзе займаецца, але там яна не з’явілася.
Са слоў знойдзенай сёння школьніцы, увесь гэты час яна знаходзілася ў Баранавічах у гасцях у свайго хлопца, мясцовага жыхара.
