Зняволенага бізнэсоўца Чыжа накіравалі на псіхіятрычную экспэртызу
У судзе Цэнтральнага раёна Менска адбываецца разгляд скаргі бізнэсоўца Юрыя Чыжа, якога следства вырашыла накіраваць на судова-псіхіятрычную экспэртызу.
Пасяджэнне праходзіць у закрытым рэжыме, паведамляе «Наша ніва».
З апісання судовай скаргі вынікае храналогія пераследу бізнэсмэна: спачатку яго ўтрымлівалі пад вартай у СІЗА, прычым тэрмін ягонага знаходжання працягваўся, пасля перавялі пад хатні арышт, затым следзтва вырашыла накіраваць яго на судова псыхіятрычную экспэртызу. Гэтае накіраванне Чыж абскардзіў у судзе.
Цяпер Юрый Чыж пад хатнім арыштам. Ягоны брат Аляксандр адмовіўся каментаваць стан здароўя бізнэсоўцы.
Тым часам працягваецца арышт маёмасці Чыжа, судовыя разбіральніцтвы і крымінальны пераслед па справах раней паспяховага бізнэсу. Юры Чыж лічыўся адным з найбуйнейшых прадпрымальнікаў Беларусі, набліжаных да Аляксандра Лукашэнкі.
Беларускае Радыё Рацыя
