Зубныя туры ў Беларусь
Стаматалагічны турызм у Беларусі становіцца ўсё болей папулярным для расейцаў. Асаблівым попытам такі від турызмау карыстаецца ў жыхароў Масквы і Санкт-Пецярбурга, для якіх розніца ў коштах складае 2-3 разы.
Ахвотныя палячыць зубы з запасам акупляюць дарогу, жыллё і на дадатак могуць наведаць славутыя мясціны Беларусі. Лекаванне аднаго зуба ў Расеі каштуе каля 200 даляраў, – кажа жыхар Санкт-Пецербурга Яўгеній:
– На расейскія – гэта 10 тыс рублёў. У Беларусі значна танней. У Піцеры дорага, а пра Маскву я ўвогуле маўчу, там дарагавізна.
Стаматалагічныя клінікі Менска і Віцебска нават арганізуюць аўтобусныя туры з Масквы і Санк-Пецербурга. Акрамя таго, на інтэрнэт-старонках клінік можна знайсці спасылкі, каб набыць квіткі на цягнік ці самалёт, і забраніраваць гатэль.
Кася Бергель, Беларускае Радыё Рацыя
Фота аўтара і bestexpert.eu
Глядзіце таксама
