12 гадоў рэстаўрацыі барочнага манастыра ў Юравічах
Дванаццаты год працягваецца рэстаўрацыя барочнага манастыра ў Юравічах. У ХVIII стагоддзі езуіты заснавалі калегіум у мястэчку Юравічы, што на ўсходнім Палессі. Нягледзячы на тое, што манастырскі комплекс знаходзіцца на балансе дзяржавы і з’яўляецца гісторыка-культурнай каштоўнасцю, з-за адсутнасці сродкаў рэстаўрацыйныя працы праводзяцца марудна.
Гаворыць намеснік Юравіцкага мужчынскага манастыра ігумен Аўксенцій:
– Пажадана, каб хтосьці паспрабаваў дапамагчы. Я лічу, што матастыру нягожа займацца здабычай грошай. Можна нешта сваё рабіць і рэалізоўваць з ахвяраванняў. Ставіць перад сабой мэту зарабляць – гэта, я лічу, ненармальна. Гэта не манаскі дух, бо нам бліжэй цішыня, у якой можна было б спакойна памаліцца.
На працягу некалькіх стагоддзяў у Юравічах знаходзіўся цудатворны абраз Маці Божай. Арыгінал абраза Маці Божа Юравіцкай выстаўлены ў Кракаве, у касцёле святой Барбары. Як праваслаўныя, так і каталіцкія вернік лічаць яго цудатворным.
[Not a valid template]
Эдуард Жолуд, Беларускае Радыё Рацыя
Фота аўтара
Глядзіце таксама
