Першая кніга Алены Ніякоўскай
Першая кніга ў любым узросце – вялікае свята. Выдавецкая ініцыятыва “Полацкае ляда” выдала першую кнігу культуролага, літаратуразнаўца, кандыдата філасофскіх навук Алены Ніякоўскай “Там, дзе буяла жыта”.
Кніга прымеркавана да 80-годдзя полацкай пісьменніцы. Акрамя вершаў, перакладаў, літаратуразнаўчых прац і рэцэнзій, зборнік утрымлівае ўнікальныя лісты Уладзіміра Караткевіча і Янкі Брыля.
Алена Ніякоўская:
– Лісты Караткевіча ўсе, што ў мяне былі, я дала. Якія зніклі – такія зніклі. Брыля яшчэ засталіся паштоўкі і пару лістоў, але яны, не тое што прыватныя, але не нясуць інфармацыі. А Караткевіча ўсе лісты, што ў мяне захаваліся, я дала.
Алена Ніякоўская жыве ў Полацку. Выкладала ў Полацкім дзяржаўным універсітэце. Даследавала творчасць Максіма Багдановіча, Якуба Коласа, Вацлава Ластоўскага, Уладзіміра Караткевіча.
[Not a valid template]
Васіль Кроква, Беларускае Радыё Рацыя
Фота аўтара
Глядзіце таксама
