Віктар Корзун: “Усё прасякнута Караткевічам” (абноўлена)
Дзень народзінаў выбітнага беларускага пісьменніка Уладзіміра Караткевіча беларусы Варшавы адзначылі праглядам дакументальнага фільма “Як сканаю – душа застанецца”. Фільм паказвае вобраз пакалення, якое ўзрасло на творах Караткевіча, дылему паміж Беларуссю ў радках пісьменніка і сучаснай, сфармаванай краінай. У фільме таксама можна пабачыць рэдкі запіс выступу самаго Караткевіча. На сустрэчы прысутнічалі аўтары фільму – бард Кася Камоцкая і рэжысёр Віктар Корзун.
– Караткевіч у Беларусі паўсюль. У працэсе працы мы высветлілі, што сучасную мадэрновую, прагрэсіўную Беларусь стварыў менавіта ён. Сваімі тэкстамі, якія шмат хто прачытаў, паверыў ім, і пачаў ажыццяўляць.
26 лістапада Уладзіміру Караткевічу споўнілася б 84 гады.
[Not a valid template]
Кася Бергель, Беларускае Радыё Рацыя, Варшава
Фота аўтара
* * *
26 лістапада – дзень народзінаў выбітнага беларускага пісьменніка Уладзіміра Караткевіча. З гэтай нагоды Беларускі Дом у Варшаве запрашае на прагляд дакументальнага фільма „Уладзімір Караткевіч: Як сканаю – душа застанецца…”, які прадставяць яго аўтары – рэжысёр Віктар Корзун і вядомая беларуская музыка, бард Кася Камоцкая.
Стужка распавядае пра пакаленне, якое вырасла пад уплывам твораў Караткевіча. У цэнтры ўвагі аўтараў – канфлікт паміж вобразам Беларусі, створаным Караткевічам, і Беларуссю, у якой мы жывем цяпер.
Ахвочыя змогуць набыць фільм на дыску з аўтографамі аўтараў. Пачатак – у 18.30 у Беларускім Доме ў Варшаве.
Беларускае Радыё Рацыя
Глядзіце таксама
