40 гадоў таму памёр народны паэт Беларусі Пятрусь Броўка
40 гадоў таму, 24 сакавіка 1980 года, памёр народны паэт Беларусі Пятрусь Броўка.
Пра адну з таямніц, якую пакінуў нам творца ў сваёй паэтычнай спадчыне, разважае даследчык літаратуры Васіль Дранько-Майсюк:
– Пятро Усцінавіч вельмі “шыфраваўся”, і мы вось не ведаем на самой справе, і я вось да канца нават не ведаю, трэба шукаць, што гэта была за такая дзяўчына, якая праз усе вершы 60-70-х гадоў праходзіла. І гэта не жонка Пятра Усцінавіча. Пра якую ён успамінаў, што было і, на жаль, гэта дзесьці там. Трэба будзе адшукаць і зрабіць пэўную выставу. Хто яна – таемная незнаёмка Пятра Усцінавіча Броўкі? Паэт – гэта самота, паэт – гэта пошук, паэт – гэта пошук той, хто ідзе да шчасця, але шчасце гэта яго абмінае, але нараджаюцца вершы.
Некаторыя сучаснікі пры жыцці паэта ўспрымалі Петруся Броўку збольшага як аўтара публіцыстычных вершаў, савецкага грамадскага і дзяржаўнага дзеяча. Але насамрэч да апошніх дзён ён заставаўся і пранікнёным лірыкам.
Максім Каўняровіч, Беларускае Радыё Рацыя, Менск
