Пра тое, што згубілі: 55-ыя ўгодкі знішчэння Фары Вітаўта
У цэнтры гарадскога жыцця ў Гародні адкрылася выстава, прысвечаная 55-м угодкам знішчэння Фары Вітаўта, – найстарэйшага ў Гародні рыма-каталіцкага храма. Каля дзвух дзясяткаў фотаздымкаў паказаныя ў экспазіцыі з хатніх архіўных матэрыялаў, якія маюць у сваіх калекцыях гарадзенскія гісторыкі і калекцыянеры.
Для гісторыка Віктара Кірэева першыя ўражанні ад выставы – смутак, бо горад згубіў сваю архітэктурную дамінанту.
– Выставу я агледзеў і ўражанне такое, што разам з гэтай святыняй горад страціў нешта значнае, страціў частку свайго сілуэта. Гэты велічны храм быў адной з дамінант у нашым горадзе. Гэтую дамінанту мы згубілі ў 1961 годзе па віне чыноўнікаў, якія навыперадкі выконвалі “лінію партыі”.
Якой была і якой можа быць адноўлена славутая гарадзенская Фара Вітаўта могуць пабачыць гарадзенцы і госці горада над Нёманам, наведаўшы выставу „55”, якая экспануецца ў Цэнтры гарадскога жыцця. Яе можна наведаць да 19-га снежня.
[iframe id=”https://www.youtube.com/embed/BbjLatOiKy0″]
[Not a valid template]
Якуб Сушчынскі, Беларускае Радыё Рацыя
Фота аўтара
Глядзіце таксама
