7 сакавіка ў Гародні — фестываль «Прадмова»
7 сакавіка ў Цэнтры гарадскога жыцця (вул. Кірава, 3) адбудзецца фестываль інтэлектуальнай кнігі «Pradmova» ў літаратурнай кампаніі паэтаў, празаікаў, перакладчыкаў, эсэістаў, музыкаў, выдаўцоў ды іншых культурных герояў нашага часу.
ПРАГРАМА:
12.00-12.30 Прэзентацыя дзіцячых часопісаў “Дуду” і “Асцярожна: дзеці!” з Аляксеем Шэіным Аляксей Шэін. 12.30-13.15 “Кот Шпрот і магічнае крэсла”: Ганна Янкута Hanna Yankuta і Марына Шода Maryna Shoda з арыгінальнымі і перакладнымі кнігамі для дзяцей. 13.15-13.45 “Гары Потэр” па-беларуску. Дыскусія пра кнігу з удзелам перакладчыцы Алены Пятровіч Alena Piatrovič і выдаўца Андрэя Янушкевіча.
14.00-14.30 Сяргей Астраўцоў з кнігай “Спадар Свабода. Жыццё і смерць Ігара Герменчука”. Мадэратар Сяргей Дубавец Сяргей Дубавец. 14.30-14.45 Прэзентацыя кнігі “Уводзіны ў філасофію” з яе ўкладальнікам Паўлам Баркоўскім Pavel Barkouski. 14.45-15.30 Модны Купала, свойскі Анегін: якіх “сюпрызаў” чакаць ад класікаў? Размова з Ганнай Севярынец (Hanna Seviarynets) і Аляксандрам Фядутам Александр Федута (Alexandr Feduta). Мадэратарка Ганна Янкута. 15.30-16.20 Чатыры кнігі паэзіі: Валянціна Аксак Aksak Valiantsina “Кава ў арліным гняздзе”, Артур Камароўскі Артур Камароўскі “Вада пачынае жыць”, Марыя Мартысевіч Maryja Martysievič “Сарматыя”, Галіна Сіўчанка Halina Siuchanka “Зоў звычаю”.
16.30-17.20 Лекцыя Сяргея Харэўскага Siarhej Chareŭski „Зачараваныя рэвалюцыяй: лёсы мастакоў Беларусі пасля рэвалюцыяў 1917 года. Да стагодзя УНОВИС”. 17.20-17.40 “Нататкі кантрабандыста” Віктара Сазонава. 17.40-18.40 “Кантрабандысты планеты”: замежная паэзія і проза па-беларуску. З удзелам Ігара Крэбса Ігар Крэбс, Марыі Пушкінай Maria Pushkina, Андрэя Хадановіча Andrej Khadanovich, Марыны Шоды Maryna Shoda і Ганны Янкуты. Прэзентацыя новага перакладу “Каханка Вялікай Мядзведзіцы” Сяргея Пясецкага.
18.50-20.10 Уладзімір Караткевіч і “філасофскі камень”. Дыскусія з удзелам Уладзімера Арлова, Сяргея Дубаўца, Марыі Мартысевіч, Аляксандра Фядуты. Мадэратар Андрэй Хадановіч. 20.10-20.30 “Улюбёныя паэты Віктара Шалкевіча”: аўтарскі перформанс. 20.30 Паэтычна-музычны ДЖЭМ. Музыкі: Уладзь Лянкевіч Uladzimir Liankievič і Эрык Арлоў-Шымкус Эрык Арлоў-Шымкус (Eryk Arłoŭ-Šymkus). Аўтары: Уладзімер Арлоў, Дар’я Бялькевіч Dasha Belkevich, Тацяна Нядбай Таццяна Нядбай, Ілля Сін Ільля Сін (Sinsin SSin), Андрэй Хадановіч ды іншыя.
АЎТОГРАФ-СЕСІІ:
13.45 Ганна Янкута, Алена Пятровіч і Гары Потэр. 14.30 Сяргей Астраўцоў. 15.30 Ганна Севярынец і Аляксандр Фядута. 16.00 Валянціна Аксак і Артур Камароўскі. 18.40 Марыя Пушкіна з Сяргеем Пясецкім, перакладчыкі “Паэтаў планеты”. 20.10 Уладзімер Арлоў.
Уваход на ўсе часткі праграмы вольны.
Можна будзе не толькі паслухаць літаратараў і музыкаў, але і набыць кнігі выдавецтваў “Логвінаў”, Змітра Коласа, Андрэя Янушкевіча, “Галіяфы”, “ARCHE”, часопісы “Наша гісторыя”, “Дуду” і “Асцярожна: дзеці!” ды атрымаць аўтографы аўтараў і перакладчыкаў.
Сярод кніжных навінак, якія прадставяць аўтары і выдаўцы, “Кот Шпрот і зніклы мышамабіль” Ганны Янкуты, “Гары Потэр і філасофскі камень” Джаан Роўлінг, новы пераклад “Каханка Вялікай Мядзведзіцы” Сяргея Пясецкага, двухтомнік вершаў, драмаў і эсэ Збігнева Герберта, “Кава ў арліным гняздзе” Валянціны Аксак, “Вада пачынае жыць” Артура Камароўскага, выбраныя вершы Георга Гайма, Фернанду Песоа і Канстанты Ільдэфанса Галчыньскага ў серыі “Паэты планеты”, “Спадар Свабода. Жыццё і смерць Ігара Герменчука” Сяргея Астраўцова і шмат чаго іншага.
“Pradmova” – пляцоўка для камунікацыі паміж выдаўцамі, аўтарамі, рэдактарамі, ілюстратарамі, дызайнерамі і чытачамі. Фестываль праходзіць з 2018 года ў Менску і рэгіёнах Беларусі. Штогод у ім прымаюць удзел найлепшыя беларускія і замежныя літаратары, а праграма складаецца з дзесяткаў разнастайных імпрэз.
