Ад Раства да Вадохрышча – найлепшы час для варажбы
Па народным календары ад Раства да Вадохрышча найлепшы час для ўдалай варажбы.
У старажытнасці беларусы лічылі, што ў калядныя святкі самы вялікі шанец зазірнуць у будучыню, а таксама верылі пра магчымасць паўплываць на няўдалы лёс.
З нагоды наш карэспандэнт пацікавіўся ў жыхароў Пінска, ці даводзілася ім займацца каляднай варажбой:
– Калісьці мы свечкі запальвалі і над вадой трымалі. Падалі кроплі на ваду, і там вымалёўваліся нейкія фігуркі, знакі. І кожны, сыходзячы са сваёй фантазіі, уяўляў, што будзе.
– Па маладосці варажылі, зараз ужо не, што Бог дасць, тое і будзе. Наварожыш так, што пасля будзеш усё жыццё думаць, а раптам гэта збудзіцца.
– Бабуля ў мяне, дарэчы, наваражыла сабе жаніха, да яе заляцаліся двое, і вось прыйшоў да яе ў сне напаіць коней менавіта мой дзядуля.
Па даследаваннях Інстытута мастацтвазнаўства, этнаграфіі і фальклору больш за ўсё каляднай варажбой займаліся дзяўчаты і варажылі на каханне. Гаспадары ж хацелі даведацца аднаго, ці будзе ўраджай на палях і ці не прыйдзе хвароба на хатнюю жывёлу.
Беларускае Радыё Рацыя
Фота: sputnik.by
Глядзіце таксама
