Алексіевіч у Берліне не пусцілі на самалёт, бо яна нібыта «мела пры сабе бомбу»

Па дарозе яна дала кароткае інтэрв’ю супрацоўніцы Фонду Вольгі Такарчук і ўроцлаўскага Дому літаратуры, перакладчыцы Яне Карпенцы.

Радыё Свабода накіравала ў аэрапорт Берліну запыт з просьбай пракаментаваць сітуацыю вакол Святланы Алексіевіч і дзеянні службы бяспекі. Прэс-служба лётнішча Берлін-Брандэнбург даслала адказ:

«Мы можам пацвердзіць правядзенне паліцыйнай аперацыі на лётнішчы. Просім вас зразумець, што гэтай справай займалася Нямецкая федэральная паліцыя. Таму мы ня маем больш падрабязнай інфармацыі і з увагі на бяспеку і абарону дадзеных ня можам мець доступу да інфармацыі пра асобаў, якіх датычыць гэтая справа. Калі ласка, накіруйце ваша пытанне прэс-службе Нямецкай фэдэральнай паліцыі».