Алена Шунейка прэзентавала „Вясёлку творчасці”
Знакамітая гарадзенская ткачыха Алена Шунейка прэзентавала ў горадзе над Нёманам свой новы габелен пад назвай „Вясёлка творчасці”.
Яе працы асноўваюцца на традыцыях падвойнага і пераборнага аднабаковага ткацтва, якое ўнесена ў дзяржаўны спіс нематэрыяльнай гісторыка-культурнай спадчыны:
– Калі народ ткаў посцілкі, яны былі не такія ўжо каляровыя, а проста былі прыгожыя. Я кожны раз кладу нітачку, падбіраю, каб было прыгожа па калеру – яны такімі кавалачкамі закладаюцца. Пішу габелен, нават не тку, а пішу колерам.
У 50-х гадах ХХ стагоддзя пры гарадзенскім цэнтры народнай творчасці Фелікс Шунейка стварыў творчую лабараторыю па ткацтву, якую ў 1980-м годзе адрадзілі яго дзеці – Алена і Яўген. Сёння майстэрня паспяхова дзейнічае. У ёй размешчаны ткацкія станкі: двое гарызантальных кроснаў і ўнікальныя вертыкальныя кросны – адзіныя ў Беларусі.
[Not a valid template]
Беларускае Радыё Рацыя, Гародня
