Алесю Барскаму 90 гадоў
2 лістапада спаўняецца 90 гадоў аднаму з старэйшых беларускіх пісьменнікаў Алесю Барскаму.
Нарадзіўся Алесь Барскі (Аляксандр Баршчэўскі) 2 лістапада 1930 года ў вёсцы Бандары на Беласточчыне. У 1955 годзе закончыў Лодзінкі ўніверсітэт. У 1956 годзе – пасля ўзнікнення Кафедры беларускай філалогіі ў Варшаўскім унівэрсытэце – пачаў працаваць выкладчыкам беларускае літаратуры, затым ўзначальваў самую кафедру. Прафесар. Актыўны дзеяч беларускай меншасці ў Польшчы. Між іншым Беларускага Грамадска-культурнага Таварыства, на пераломе 80- і 90 гадоў ХХ стагоддзя яго старшыня.
З 1956 года Алесь Барскі стала супрацуе з беларускім штотыднёвікам «Ніва», яго артыкулы таксама былі змешчаны ў «Беларускім календары». Аляксандр Баршчэўскі з 1975 года старшынстваваў у Беларускім літаратурным аб’яднанні «Белавежа». З 1993 года быў старшынём Цэнтральнага камітэта Алімпяды беларускай мовы.
У 1986 годзе Аляксандр Баршчэўскі абараніў доктарскую дысэртацыю „Białoruska obrzędowość i folklor we wschodniej Białostocczyźnie”. Пасля апублікаваньня працы Творцы беларускага літаратурнага руху ў Польшчы 1958-1998 атрымаў званне прафэсара. З’яўляецца аўтарам звыш 100 навуковых публікацыі па беларускай літаратуры і беларускаму фальклёру.
Алесь Барскі- паэт, аўтар шматлікіх зборнікаў паэзіі і кніжак перакладу. Найбольш вядомыя яго зборнікі паэзіі „Белавежскія матывы” (1962 год), „Жнівень слоў” (1967), „Мой бераг” (1975), „Блізкасць далёкага” (1983), „Лірычны пульс” (1987).
Рэдакцыя Беларускага Радыё Рацыя шчыра віншуе юбіляра і зычыць яму фізічных і духовых сілаў!
Беларускае Радыё Рацыя
