Андрэй Мельнікаў: Для мяне важна мець паразуменне з супольнасцю
Святкаванне свайго 55-ці годдзя выканаўца аўтарскай песні Андрэй Мельнікаў распачаў канцэртам у адукацыйнай прасторы “Наука ензыка польскего” на Кальварыйскай вуліцы ў Менску.
Чаму менавіта там, распавядае сам спадар Андрэй:
– Сустрэча са мной ініцыяваная Алесем Гурковым, песні рознага часу. Для мяне досыць важна мець паразуменне з супольнасцю і нешта разам ствараць. Калі мы ствараем штосьці разам, тады прадукт можа атрымацца больш цёплым. Ідэя была да 100-годдзя Незалежнасці Польшчы, але пэўныя абставіны вымушалі пераносіць. Дзве песні я, праўда, паспрабаваў выканаць у арыгінале. Гэта “Муры” Яцэка Карчмарскага і “Літва, Ойчызна моя”.
Паэт Андрэй Мельнікаў таксама спецыяліст у музейнай справе, даследчык гісторыі беларускай літаратуры, аўтар некалькіх біяграфій нашых пісьменнікаў, што выйшлі ў серыі “Сто выдатных дзеячаў”.
Максім Каўняровіч, Беларускае Радыё Рацыя, Менск
Глядзіце таксама
