Андрэй Мельнікаў выступіць у Гародні
25 лютага ў Гародню завітае легендарны бард Андрэй Мельнікаў з праграмай „Каханне й Айчына”. Слухачы змогуць паслухаць яго вядомыя песні з розных альбомаў за апошнія ХХ год на тэму нацыянальнага адраджэння і жыцця ў постсавецкіх рэаліях.
Сустрэча з бардам адбудзецца ў гарадзенскай “Цудоўні” а 18-й гадзіне.
Пра будучую імпрэзу распавядае супрацоўнік “Цудоўні” Антон Шаранкевіч:
– Для мяне Андрэй Мельнікаў гэта ўсё ж такі беларускі бард-выканаўца, з якім мала хто вядомы, і такіх людзей трэба “раскручваць” сярод моладзі, не толькі сярод пакалення 90-х, хто яго больш-менш ведае. З яго творчасцю я пазнаёміўся не так даўно, пару гадоў таму, і яна мне, не скажу, што цалкам, але некаторыя песні спадабаліся. Нават неяк з сябраму пару песень яго гралі на гітары.
Андрэй Мельнікаў цягам апошніх ХХ год неаднаразова выступаў у Гародні як спявак на Днях беларускай вайсковай славы, прыязджаў на Свіслацкі фэст памяцці паўстання Каліноўскага, на розныя аўтарскія выступы. Яго песні сталі класікай беларускай бардаўскай песні.
Беларускае Радыё Рацыя
Глядзіце таксама
