Arche: Род Сапегаў – гонар Вялікага Княства Літоўскага
Трэці сёлетні нумар часопіса Arche, які днямі пабачыў свет, цалкам прысвечаны старажытнаму магнацкаму роду Вялікага Княства Літоўскага – Сапегам.
Вопыт падрыхтоўкі падобнага выдання ў рэдакцыі ужо быў – у 2015 годзе пабачыў свет нумар, прысвечаны роду Радзівілаў, – кажа рэдактар нумару, гісторык Аляксандр Пашкевіч:
– Тут таксама аўтары як беларускія, так і польскія, і літоўскія. І самыя розныя аспекты закранаюцца – гэта палітычная дзейнасць Cапегаў, вайсковая дзейнасць, партрэты асобных дзеячоў, аналіз іх уладанняў, а таксама ўпершыню друкуецца ў перакладзе на беларускую мову дыярыюш адной з прадстаўніц роду – Тэафіліі з Ябланоўскіх Сапегі.
У нумары асвятляюцца як лёсы выбітных прадстаўнікоў роду, так і іх роля ў гісторыі Вялікага Княства Літоўскага, у прыватнасці, унутранай і знешняй палітыцы гэтай дзяржавы.
Васіль Кроква, Беларускае Радыё Рацыя
Глядзіце таксама
