Археалагічны летнік „Край-2021” набірае валанцёраў
З 8 па 30 ліпеня Беларускі дзяржаўны музей народнай архітэктуры і побыту і Міжнародны дзяржаўны экалагічны інстытут імя А.Д. Сахарава праводзяць сумесную археалагічную экспедыцыю.
Плануюцца даследаванні селішча і могільніка Гуры Вілейскага раёна Менскай вобласці (датуюцца другой паловай І тыс. н.э.), а таксама даследаванні могільніка Камена ў Вілейскім раёне, які адносіцца да канца І тыс. н.э. – ХІІ стст.
Экспедыцыя актыўна набірае валанцёраў.
Што цябе чакае:
– Жыццё ў палатачным лагеры на маляўнічым беразе ракі Сэрвач.
– Удзел у археалагічных раскопках курганаў і магчымасць уласнаруч здабываць з зямлі гісторыю.
– Незабыўныя ўражанні, вечары ля вогнішча і археалагічная рамантыка.
Кіраўнікі экспедыцыі:
Мікалай Плавінскі, кандыдат гістарычных навук, загадчык кафедры сацыяльна-гуманітарных навук і ўстойлівага развіцця Міжнароднага дзяржаўнага экалагічнага інстытута імя А.Д. Сахарава. facebook.com/north.wind.5059
Вікторыя Макоўская, магістр гістарычных навук, навуковы супрацоўнік навукова-фондавага аддзела Беларускага дзяржаўнага музея народнай архітэктуры і побыту.facebook.com/viktoryia.makouskaya
Спасылка на google-форму для запісу: http://surl.li/vtxv
Сачыць за інфармацыяй і навінамі можна ў сацсетках:
Facebook: https://www.facebook.com/groups/kryvitsky.krai
VK: https://vk.com/kryvickykra
Фота: facebook
