„Арт-Сядзіба” прэзентавала спектакль пра жыццё Францішка Аляхновіча
У Менску прайшоў прэм’ерны паказ спектакля, прысвечанага „айцу беларускага тэатра” Францішку Аляхновічу, меркавана закатаванаму савецкімі спецслужбамі.
„Паказаўшы ўсе зверствы эпохі Аляхновіча, мы адмыслова пакінулі адкрыты фінал”, – азначае рэжысёр спектакля Эльдар Бякіраў:
– Выйшлі змагацца, выйшлі адраджаць беларускую культуру.
Самы вядомы твор Аляхновіча — аповесць „У кіпцюрах ГПУ” стала першым сведчаннем вязня бальшавіцкага рэжыму.
Кажа актор тэатра „Арт-Сядзібы” Аляксей Сапрыкін:
– Францішак Аляхновіч упершыню распавёў нам пра гэтыя зверствы, якія адбываліся ў ГПУ ў канцлагерах. Нават раней, чым усім вядомы Салжаніцын. Наўа задача, каб пра гэту постаць даведаліся больш.
Цалкам матэрыял слухайце ў далучаным файле:
Прэм’ера спектакля „Францішак. Сцэны з жыцця ды сноў” прайшла ў менскай прасторы ОК16 у межах тыдня „Арт Сядзібе 7 гадоў”, які праходзіць па 23 снежня.
Алена Вільтоўская, Беларускае Радыё Рацыя, Менск
