„Арт-Сядзіба” запусціла „Ланцуг памяці”
„Арт-сядзіба” запусціла паэтычны флэшмоб да ўгодкаў страшных падзей ночы з 29 на 30 кастрычніка 1937-га года, калі ў Беларусі былі расстраляныя каля сотні дзеячаў культуры, у тым ліку і многія літаратары.
Распавядае Даша Бялькевіч:
– Гэтым учынкам проста знішчылі вялікі культурны пласт. Калі ў нас ёсць культурная традыцыя, то заўжды ёсць размова паміж пакаленнямі. Калі столькі людзей забілі ў адзін дзень, у каго вучыцца? З кім весці камунікацыю, каб працягваць нашую культурную традыцыю?
Паўдзельнічаць у флэшмобе вельмі проста – трэба запісаць на відэа як вы чытаеце верш аднаго з расстраляных паэтаў і выкласці ў сацыяльныя сеткі з хэштэгам #ланцугпамяці.
Да гэтай акцыі ўжо далучыліся Алесь Лютыч з гурта :B:N: ды Алесь-Францішак Мышкевіч з гурта Superbullz.
Алена Вільтоўска. Беларускае Радыё Рацыя. Менск
Фота wikipedia.org
Глядзіце таксама
