Балет „Вітаўт” пакажуць анлайн
У Міжнародны дзень танца, які адзначаюць прафесіяналы і аматары танцавальнага мастацтва ўсяго свету 29 красавіка, Вялікі тэатр Беларусі запрашае ўсіх прыхільнікаў балета на анлайн-трансляцыю пастаноўкі „Вітаўт”, паведамляе БЕЛТА.
Сусветная прэм’ера балета „Вітаўт” Вячаслава Кузняцова, у аснове якога ляжыць п’еса Аляксея Дударава, адбылася ў верасні 2013 года. Адразу пасля яе спектакль назвалі балетам-сенсацыяй. Гледачы ўбачылі не проста герояў, а гістарычных персанажаў, якія вызначалі карціну Еўропы ў XIV-XV стагоддзях.
„Вітаўт” – гэта абсалютна новы, не маючы традыцыі пастаноўкі, спектакль. У ім арганічна пераплецены мастацкая выдумка з гістарычнай пэўнасцю, пры гэтым балет атрымаўся яркім, насычаным, нацыянальным і каларытным. Цэнтральнай фігурай з’яўляецца легендарны князь Вітаўт, рэальная асоба, наймудрэйшы чалавек, воін і дзяржаўны чалавек, якому ўдалося стварыць адно з самых магутных дзяржаў у гісторыі – Вялікае княства Літоўскае „, – адзначыў балетмайстар-пастаноўшчык спектакля народны артыст Беларусі Юрый Траян.
Дырыжор-пастаноўшчык – Вячаслаў Чарнуха-Воліч, мастак-пастаноўшчык – Эрнст Гейдэбрэхт, дырыжор – Алег Лясун.
Трансляцыя балета будзе даступная ў сацыяльных сетках тэатра. Пачатак у 19.00.
Глядзіце таксама
