„Басовішча-2017”. Другі дзень
Завершыўся 28-ы Фестываль музыкі маладой Беларусі “Басовішча-2017”.
28-ы Фестываль музыкі маладой Беларусі “Басовішча 2017” ужо гісторыя. Мерапрыемства закончылася ўначы выступам дыджэяў на малой сцэне. У час самога фестывалю зайгралі гурты розных музычных плыняў. Як ацэньвае былая арганізатарка “Басовішча” Ганна Пякарская, фестываль мяняецца разам з гледачамі.
– Гэта больш эксперыментальная музыка. Гэта сапраўды музыка маладой Беларусі. Сюды запрашаюцца папулярныя гурты.
Арцём Лук’яненка, гурт Naviband:
– Тут нашыя сябры. Мы не першы год прыязджаем сюды. Нам вельмі прыемна сустрэцца зноў, зайграць, робім гэта з вялікай радасцю.
Зміцер Сасноўскі, “Стары Ольса”:
– Рокавая беларуская музыка дастаткова развітая. Магчыма ў бок нейкіх густаў сталых наведвальнікаў фэсту змяняецца склад музыкаў. Магчыма і мы таму сюды патрапілі. Сама атмасфера ляснога вудстока мне вельмі падабаецца і настрой.
Некалькі дзясяткаў гуртоў і тысячы гледачоў наведалі пляцоўку ў Барыку. Хедлайнерамі сёлетняга мерапрыемства былі музыкі гурта Naviband. „Мы прыехалі на Басовішча адпачываць пасля выступу на „Еўрабачанні” ў Кіеве”, – кажа вакалістка гурта Ксенія Жук:
– Выехаць за мяжу – гэта ўжо для беларуса адпачынак, мне так падаецца. Мы трэці год запар сюды прыязджаем, і гэта для нас вялікае шчасце. Мы адпачываем, бо гэты фестываль на прыродзе, у лесе. І гэта атмасфера прыроды натхняе вельмі моцна. Яна падтрымлівае і дапамагае.
Цягам двух дзён фестывалю зайгралі вядомыя гурты ды будучыя зоркі беларускай сцэны.
Завяршае другі фестывальны дзень „Басовішча” – магілёўскі гурт Akute.
[Not a valid template]
Гурт створаны ў 2008 годзе ў Магілёве былымі ўдзельнікамі гурта «Глюкі» — Стасам Мытнікам (вакал, гітара) і Раманам Жыгаравым (бас-гітара). Пры канцы 2009 году Akute з першай песняй «Адзіноцтва» перамаглі ў гіт-парадзе на Tuzin.fm. Пераможцы «Басовішча-2010», «Верціфэст-2010» (Кіеў), лаўрэаты «Graffiti Open Music Fest — 2010», намінацыі «Рок-прарыў году» на «Рок-Каранацыі-2011», «Героі году» ў 2012 па версіі Tuzin.fm, «Гурт году» ў 2012 на прэміях «Даём рады», Ultra-Music Awards і Rock Profi…
Наступны выканаўца – госць з Украіны – гурт «Вагоновожатые».
[Not a valid template] Энэргічныя хлопцы, якія карыстаюцца пераважна бубнамі ды сампламі. Граюць жывую электроніку. Гурт паўстаў у 2013 годзе пры ўдзеле былога фронтмэна днепрапятроўскага гурта «І сябар мой грузавік» Антона Слепакова і гітарыста Валянціна Панюты, раней вядомага па харкаўскай камандзе «Lюк». Ноч на „Басовішчы” гледачы будуць сустракаць з гуртом Naviband.
[Not a valid template]
Гурт утворана ў 2013 годзе як дуэт „Navi” у складзе Арцём Лук’яненка (Tim Erna, КРИСТИNА), Ксенія Жук (Sonika). Пераможца онлайн-конкурсу на «Найлепшы кліп», які быў зладжаны фэстывалем «Залаты голас» (Расея). Пераможцы ў намінацыі „Кліп году” на прэміі „Героі году-2014”, пераможцы фестывалю „Басовішча-2015”, пераможцы конкурсу „Засьпявай 2.0” (2015). З 2016 году выступаюць з жывым складам пад назваю Naviband. Сёлета прадстаўлялі Беларусь на Еўрабачанні.
[Not a valid template]
Чарговы выканаўца прадстаўляе Польшчу – гурт Łona, Webber&The Pimps.
[Not a valid template]
Музычныя крытыкі акрэсліваюць іхні жанр як ’’інтэлігэнцкі рэп’’. Сваімі тэкстамі гурт аб’ядноўвае розныя пакаленні слухачоў. У Польшчы выступаюць на вялікіх фестывалях, такіх, як Open’er Festival.
Наступны выканаўца – гурт Vuraj.
[Not a valid template]
Заснаваны ў 2010 удзельнікамі гурту Fratrez. Эксперыментуе з аўтэнтычным спеўным матэрыялам, ствараючы новыя творы адмысловага гучання. Удзельнік шэрагу фэстаў у Беларусі, Польшчы, Украіне, Расеі: „Пустые холмы-2010”, „Басовішча-2011″,”Камяніца-2012”, „Країна Мрій-2013” ды інш. Першы cтудыйны альбом „Rajok” (2014) выдаў на лэйлбле „Наш фармат” (Украіна).
[Not a valid template]
[Not a valid template]
Наступны сэт за гуртом Stary Olsa.
[Not a valid template]
Гурт утвораны ў 1999 у Гомелі з ініцыятывы Змітра Сасноўскага, неўзабаве пераехаў у Менск. Выконвае свецкую, папулярную побытавую музыку сярэднявечча, а таксама аўтарскія стылізаваныя творы. Шмат у чым дзякуючы ім у Беларусі з’явілася мода на сярэднявечча і паўсталі дзясяткі калектываў, якія працуюць з такой музыкай. Узнагароды: „Рок-Карона-2002” у намінацыі „Традыцыі і сучаснасць”, 1-ае месца ў катэгорыі „Фольк-рэлізы” на цырымоніі „Містэрыя гуку” (2005). Мае 11 выдадзеных дыскаў і 6 відэакліпаў.
Працягваецца канцэрт. Наступны калектыў, які ўздымаецца на сцэну, – гурт Manietny Dvor.
[Not a valid template]
Гэта польска-беларускі музычны праект, інспіраваны легендамі шляхціца Завальні, героя твораў Яна Баршчэўскага. Калектыў малады досведам, але адметны тэкстамі.
[Not a valid template]
На пачатку другога канцэртнага дня фестывалю традыцыйна журы абвесціла пераможцу Конкурса маладых гуртоў. Пераможцам названы гурт Teleport. Зараз ён яшчэ раз выступае на сцэне фестывалю.
[Not a valid template]
У Гарадку працягваецца «Басовішча-2017». Пачаўся другі дзень Фестывалю музыкі маладой Беларусі.
У межах фестывалю прайшла Беларуская Інтэлектуальная Гульня ў форме пытанняў, якія датычылі беларускай культуры ды гісторыі, а таксама і самога БАСовішча. Гульню ладзілі маладыя людзі з Беларусі, якія на сваіх мерапрыемствах збіраюць па 200 асобаў.
[Not a valid template]
Чаго чакаць ад другога дня «Басовішча»? Працуе зона «БАСмежжа». Канцэртная частка пачнецца а 19.30 беларускага часу. Сёння даведаемся, хто ж стаў пераможцам конкурснай часткі. Пасля выступяць такія беларускія гурты, як «Стары Ольса», «Vuraj», «Akute», «Naviband».
Беларускае Радыё Рацыя
Фота Максіма Хлябца і Аляксея Трубкіна.
Глядзіце таксама
