Батлеечны нон-стоп
У Менску адбываецца батлеечны нон-стоп. Цягам усяго гэтага тыдня ў беларускай сталіцы праходзіць ІІ Міжнародны фестываль батлейкі і лялечных тэатраў “Нябёсы”.
Асноўным арганізатарам фестывалю выступае праваслаўны Свята-Елісавецінскі манастыр. “Батлейка – гэта бяскрайняе поле для творчай фантазіі,” – так лічыць вядомы наваполацкі батлеечнік, кіраўнік лялечнага тэатра “Капялюш” Андрэй Рэцікаў. На фестывалі тэатр прэзентаваў незвычайную батлейку, якая пабудаваная па прынцыпе ценявога спектакля:
– Гэта адзін з відаў батлейкі, які існаваў менавіта на Віцебшчыне. Ён пабудаваны па прынцыпе ценявога тэатру. Ён як трохкупальная царква і ў гэтых трох аддзелах стаяць кружэлкі, запальваюцца свечкі, і ад іхнага цяпла кружэлкі круцяцца, і на экране адбіваюцца фігуры.
Сёлета ў фэстывалі батлейкі і лялечных тэатраў “Нябёсы” прынялі ўдзел 12 калектываў з Беларусі і чатыры калектывы з Расеі. Арганізатары абяцаюць надалей пашыраць геаграфію фестывалю.
Беларускае Радыё Рацыя
Фота tut.by
