Беларускія масоны існуюць
Беларускія масоны існуюць. Днямі ў менскім Доме масонаў, дзе месціцца адна з філій Гістарычнага музея, адбылася прэзентацыя экспанатаў, звязаных з сучасным масонствам у Беларусі.
Гаворыць дырэктар Нацыянальнага гістарычнага музея Алег Рыжкоў:
— Вельмі прыемна, калі проста пішуць у музей і кажуць: мы хочам зрабіць падарунак. Калі гэты падарунак настолькі цікавы і незвычайны як прадметы масонаў, дык гэта нас вельмі заінтрыгавала. Мы адразу сустрэліся з чалавекам. І проста пакінуць гэтыя прадметы ў фондах музея не паказаўшы іх, я лічу не зусім правільным. Таму мы зрабілі такую міні-прэзентацыю. Мы ўбачылі рэальную цікавасць ў наведнікаў, у тым ліку ў сродкаў масавай інфармацыі, і, я думаю, мы яе будзем працягваць.
На дадзены момант у Беларусі існуюць чатыры масонскія ложы, прыпісаныя да Вялікіх ложаў Літвы, Польшчы, Расеі і Украіны. Неўзабаве павінна паўстаць уласна беларуская Вялікая масонская ложа.
Поўны матэрыял слухайце ў далучаным гукавым файле:
Максім Каўняровіч, Беларускае Радыё Рацыя
