Больш камернымі сталі музычныя імпрэзы ў Берасцейскай вобласці
Больш камернымі сталі музычныя імпрэзы ў Берасцейскай вобласці, як і па ўсёй краіне. Яны пераважна арганізуюцца ў выглядзе кватэрнікаў.
Сярод прычын – каронавірус і палітычная сітуацыя ў краіне. Пра гэта распавялі ўдзельнікі гурта Laudans Андрэй Лугін ды Алена Палачанская:
– Канешне, абмежаваныя магчымасці ў плане выступаў, нават у плане выпуску новых песень. Але мы разумеем, што зараз усе музыкі, напэўна, у такім стане, што ідэяў шмат, а магчымасці абмежаваныя.
– Мы знаходзім спосабы такія, як, напрыклад, адзначалі Дзень народзінаў гурта і рабілі пры гэтым творчую сустрэчу з людзьмі, гралі песні. Гэта мела іншую назву, але гэта ўласна і быў такі вось канцэрт.
Прадстаўнікі гурта Laudans перакананыя, што такі фармат канцэртаў хутчэй за ўсё захаваецца да канца года. Але спадзяюцца на змены да лепшага.
Беларускае Радыё Рацыя, Берасце
Глядзіце таксама
