«Чысты чацвер» перад Калядамі
“Чысты чацвер” – так называецца кніга кароткай прозы (лірычных запісаў, мініяцюр, апавяданняў) загадчыка школьнага этнаграфічнага музея з вёскі Заполле Івацэвіцкага раёна Алеся Зайкі.
Літаральна напрыканцы мінулага года яна пабачыла свет у берасцейскім выдавецтве “Альтэрнатыва”.
“Чысты чацвер” працягвае тэмы, абазначаныя аўтарам у папярэднім зборніку “Дым у коміне” (2011). Творца не старонні назіральнік, яму блізкія чалавечыя памкненні, намеры, зрухі душы. Шчырасць, пранікнёнасць, непрытворная любоў да сваіх герояў вызначаюць творчую манеру аўтара. Прачытаўшы кнігу Алеся Зайкі, мы падабрэем душой, і ў нас абавязкова будзе свой “Чысты чацвер”!
Барыс Баль, Беларускае Радыё Рацыя, Івацэвіцкі раён
