Чытанне п’есы „Сэкс мне не патрэбен”
„Сэкс мне не патрэбен” – прэм’ера чыткі пад такой назвай прайшла ў творчай прасторы незалежнага тэатра „Крылы Халопа” ў Берасці.
Яе аўтар – менскі рэжысёр Аляксей Чыканас. Галоўная тэма – гэта каханне і ўзаемаадносіны паміж жанчынамі і мужчынамі – гаворыць рэжысёр:
– Само разуменне кахання неяк крыху змянілася, шмат нейкіх шаблонаў, якія навязваюцца сродкамі масавай інфармацыі людзям. Мне здаецца, што сапраўднае пачуццё кахання, яно магчыма мабыць толькі паміж зусім маладымі людзьмі.
Як адзначаюць арганізатары мерапрыемства, п’еса трапіла ў шорт-ліст першага конкурс-фестывалю сучаснай беларускай драматургіі Write-box.
Беларускае Радыё Рацыя, Берасце
