1. РАЦЫЯ
2. Культура
3. Доўгі спіс прэміі Міхала Анемпадыстава

Доўгі спіс прэміі Міхала Анемпадыстава

Доўгі спіс быў абвешчаны ў дзень народзінаў паэта, мастака і дызайнера, якому 16 сакавіка споўнілася б 56 гадоў.

На прэмію за найлепшую кніжую вокладку намінавалася 37 кніг. У доўгі спіс журы абрала 20 вокладак:

1. Кацярына Пікірэня – аўтарка вокладкі кнігі “Англійскі сусед”, Міхаіл Вешым (пераклад на беларускую Таццяны Анікеенкі). Логвінаў, 2019.
2. Дзяніс Пастарнак – аўтар вокладкі кнігі “Анталогія сучаснага беларускага верлібра”, укладальнік – Георгій Барташ. Смэлток, 2019.
3. Ганна Бундзелеева, Сяргей Календа – аўтары вокладкі кнігі “Балтыйскія шкарпэткі”, Сяргей Календа. Логвінаў, 2019.
4. Дзяніс Раманюк – аўтар вокладкі кнігі “Беларусь. Храм і краявід”, Дзяніс Раманюк. Раманюк Дзяніс, 2019.
5. Стася Сакалоўская – аўтарка вокладкі кнігі “Дзевяць жыццяў Віта Морэ”, Кірыл Стаселька. Галіяфы, 2019.
6. Анатоль Тадорскі – аўтар вокладкі кнігі “Запіскі афіцэра Чырвонай Арміі”, Сяргей Пясецкі (пераклад на беларускую Алеся Астраўцова). Медысонт, 2019.
7. Артур Вакараў, Севярын Квяткоўскі – аўтары вокладкі кнігі “Каларадская пушча”, Севярын Квяткоўскі. Логвінаў, 2019.
8. Сяргей Шабохін – аўтар вокладкі кнігі “Кароткая гісторыя сэрца”, Маціяс Гёрыц (пераклад на беларускую Вольгі Гапеевай). Галіяфы, 2019.
9. Сяргей Шабохін – аўтар вокладкі кнігі “КЭМЭЛ-ТРЭВЭЛ”, Вольга Гапеева. Галіяфы, 2019.
10. Уладзіслава Юрчанка – аўтарка вокладкі кнігі “Муза сабачага скверу”, Анатоль Астапенка. Галіяфы, 2019.
11. Наталля Паваляева – аўтарка вокладкі кнігі “Паехаць на поўнач, каб памерцi”, Іда Ліндэ (пераклад на беларускую Наталлі Паваляевай). Янушкевіч, 2019.
12. Наталля Паваляева – аўтарка вокладкі кнігі “Пыха і перадузятасць”, Джэйн Остэн (пераклад на беларускую Ганны Янкуты). Янушкевіч, 2019.
13. Ілля Странгоўскі – аўтар вокладкі кнігі “Пячора”, Жазэ Сарамагу (пераклад на беларускую Галіны Мітраховіч).  Янушкевіч, 2019.
14. Стася Сакалоўская – аўтарка вокладкі кнігі “Следства вядзе суддзя Дзі”, Роберт Ван Гулік (пераклад на беларускую Ганны Янкуты). Кнігазбор, 2019.
15. Дзяніс Раманюк, Дзяніс Нядзельскі – аўтары вокладкі кнігі “Смак беларускай кухні”, Андрэй Шукін, Алена Мікульчык, Дзяніс Раманюк. Раманюк Дзяніс, 2019.
16. Міхаіл Дайлідаў – аўтар вокладкі кнігі “Трава бясконцасці”, Віктар Шніп. Мастацкая літаратура, 2018.
17. Кацярына Пікірэня, Павал Касцюкевіч – аўтары вокладкі кнігі “Трое ў чоўне і пёс з імі”, Джэром Клапка Джэром (пераклад на беларускую Паўла Касцюкевіча). Логвінаў, 2019.
18. Жанна Гладко – аўтарка вокладкі кнігі “Чорныя макі”, Вольга Гапеева. Галіяфы, 2019.
19. Дар’я Сазановіч – аўтарка вокладкі кнігі “Яна была”, Ірына Саламаціна і Наталля Кухарчык. Галіяфы, 2019.
20. Павел Дарохін – аўтар вокладкі кнігі “Homo”, Крысціна Бандурына. Галіяфы, 2019.

Доўгі спіс абіраўся рэйтынгавым галасаваннем: сябры журы ацэньвалі кожную вокладку па дзесяцібальнай шкале, адзнакі сумаваліся.

У журы ўвайшлі творцы, якія працуюць і з візуальнымі вобразамі, і са словам: літаратарка і архівістка Вольга Бабкова, графік, дызайнер і фатограф Адам Бароўскі, пісьменнік і мастак Адам Глобус, культуролаг, крытык і эсэіст Максім Жбанкоў, пісьменнік і мастак Артур Клінаў, дызайнер і каліграф Генадзь Мацур, мастачка і паэтка Васіліса Паляніна, мастачка Антаніна Слабодчыкава, дызайнер Юрый Тарэеў.

Прэмія ўручаецца аўтару або камандзе аўтараў вокладкі. Пераможцу назавуць падчас фестываля “Прадмова”, які адбудзецца ўвосень.

Ініцыятыва адзначаць найлепшую вокладку да беларускай кнігі належыць Беларускаму ПЭН-цэнтру  сумесна з Саюзам беларускіх дызайнераў  і “Лятучым універсітэтам”, а таксама польскім партнёрам ТАА “H&L” і фондам “Адкрытая культура”. Генеральным партнёрам прэміі з’яўляецца тэлеканал “Белсат”. 

Прэмія заснаваная ў 2019 годзе ў памяць пра чалавека многіх талентаў – мастака, паэта, фатографа, дызайнера, публіцыста, культуролага Міхала Анемпадыстава, які пайшоў з жыцця два гады таму. Леташнім пераможцам прэміі стаў Грыгорый Кацнэльсон за вокладку кнігі «Віленскі покер» Рычарда Гавяліса.