Дзень Волі ў Слоніме
Сябры Слонімскага згуртавання дэмакратычных сіл адзначылі Дзень волі ў Слоніме без мітынгаў, пікетаў і шэсцяў. Пасля працоўнага дня яны сабраліся разам і павіншавалі адзін аднаго са святам.
А потым Сяргей Чыгрын прэзентаваў кнігу пачынальніка беларускай літаратуры, аўтара “Нашай нівы” у 1911-1921 гадах – паэта, празаіка, драматурга і педагога Кандрата Лейкі “Пан Трудоўскі”, якая нядаўна выйшла з друку ў мінскім выдавецтве “Кнігазбор”.
Складальнік кнігі твораў распавёў, як ён шмат гадоў шукаў звесткі пра свайго земляка, як знайшоў яго магілу ў горадзе Здалбунаў на Украіне, як ішла праца над кнігай.
Потым сябры згуртавання павіншавалі доктара і грамадскага актывіста Івана Шэгу з днём нараджэння, якое супадае якраз з Днём Волі – 25 Сакавіка.
А пасля за гарбаткай і кавай вялася доўгая гутарка пра лёс Беларусі, а таксама пра тыя падзеі, якія сёння адбываюцца на Украіне. А ў канцы святкавання ўсе разам сфатаграфаваліся на памяць.
[Not a valid template]
Барыс Баль. Беларускае Радыё Рацыя. Слонім
Фота аўтара.
Глядзіце таксама
