«Фэст экскурсаводаў» у Полацку
Полацак традыцыйна ўдзельнічае ў агульнарэспубліканскім праекце «Фэст экскураводаў». Полацкі экскурсавод Наталля Сяргеенка – найбольш адданая ідэі Фэсту.
Штогод у гэтыя дні яна ладзіць свае аўтарскія экскурсіі.
– Сённяшняя экскурсія была прысвечана канцу 18 стагоддзя, калі Полацак апынуўся ў такой сітуацыі, калі Дзвіна дзяліла горад на дзве часткі – Расейскую Імперыі і Рэч Паспалітую. І землі на левым беразе Дзвіны раней належалі езуітам, а цяпер яны перайшлі ў Рэч Паспалітую. Мы пра іх можам ведаць, бо захаваўся сшытак, у якім быў праведзены вопіс усёй маёмасці паезуіцкіх маёнткаў.
Сёння на экскурсію Наталлі Сяргеенкі сабралася больш за 60 чалавек. Выкарыстоўваючы розныя дакументы, Наталля расказала пра тое, як адрознівалася жыццё Полацка на правым і на левым беразе Дзвіны пасля таго, які мяжа паміж Рэччу Паспалітай і Расейскай Імперыяй падзяліла горад на дзве часткі. Экскурсія праходзіла побач з Сафійскім саборам.
Васіль Кроква, Беларускае Радыё Рацыя
