„Фэст экскурсаводаў” у Віцебску
Віцебск па традыцыі далучаецца да агульнабеларускай акцыі “Фэст экскурсаводаў”. Бясплатныя экскурсіі тут пройдуць заўтра, 18 красавіка. Аднак сёлета іх ладзяць не прафесійныя экскурсаводы, а маладыя аматары гісторыі Віцебску.
Кажа кіраўнік мясцовай арт-сядзібы Уладзімір Булаўскі:
– У суботу будуць дзве экскурсіі ў Віцебску, прымеркаваныя да міжнароднага Дня помнікаў. Праводзіцца ў рамках штогадовага “Фэсту экскурсаводаў”. Ну і натуральна што кожны год мы спрабуем прыдумаць нейкія цікавыя экскурсіі. І ў гэтым годзе прыдумалі такую мініэстафету экскурсій з удзелам навучэнцаў нашага адукацыйнага курсу “Interhistory”.
На суботу запланаваныя дзве экскурсіі: “Задзвінская гісторыя” і “Віцебскае барока”.
Галоўная задума Фэсту экскурсаводаў – пазнаёміць жыхароў канкрэтных рэгіёнаў, гарадоў, вёсак, раёнаў і нават вуліц з тымі помнікамі, побач з якімі яны жывуць, ходзяць кожны дзень, але не заўсёды заўважаюць.
[Not a valid template]
Васіль Кроква, Беларускае Радыё Рацыя. Фота аўтара.
Глядзіце таксама
