Фотавыстава прызёраў конкурсу «Залатая рысь» у Полацку
У полацкім Прыродна-экалагічным музеі пачала працу выстава фатаграфій прызёраў конкурсу «Залатая рысь». Арганізатары конкурсу – Нацыянальная акадэмія навук Беларусі і Міжнародны фонд падтрымкі дзікай прыроды «Чырвоны бор».
На выставе прадстаўлены работы пераможцаў у намінацыях «Птушкі», «Дзікія жывёлы», «Дзікарослыя расліны», «Макрасвет», «Падводны свет», «Пейзаж», «Рэдкі выгляд», «Арт-фота», «Дзіцячы погляд».
У такой намінацыі, як «Рэдкі выгляд», працы прысвечаны рэдкім раслінам і жывёлам, якія занесены ў Чырвоную кнігу Рэспублікі Беларусь або маюць міжнародны статус аховы.
Работы намінацыі «Арт-фота» адлюстроўваюць індывідуальны погляд аўтараў і адрозніваюцца эмацыйнай насычанасцю, складанымі каляровымі і кампазіцыйнымі рашэннямі.
Асаблівую цікавасць і ўвагу выклікаюць працы, прадстаўленыя ў намінацыі «Дзіцячы погляд», якія адлюстроўваюць непасрэднасць і індывідуальнасць успрымання навакольнай прыроды юнымі ўдзельнікамі конкурсу.
[Not a valid template]
Беларускае Радыё Рацыя, Полацк
Фота Васіля Кроквы
Глядзіце таксама
