Галоўная ўзнагарода Гедройца – у Макса Шчура (абноўлена)
У Менску адбылася 5-ая цырымонія ўзнагароджання пераможцаў літаратурнай прэміі імя Ежы Гедройца. Сёлета галоўным лаўрэатам прэміі стаў – Макс Шчур, які разам з лаўрэацкім дыпломам атрымаў чэк, эквівалентны 5000 еўра.
Поўны гук рэпартажу з цырымоніі:
Другім месцам і стыпендыяй у Доме творчасці пісьменнікаў на востраве Готланд (Швецыя) узнагароджаны Альгерд Бахарэвіч. Трэцяе месца – у Андрэя Адамовіча, у якасці ўзнагароды ён атрымаў двухтыднёвы творчы адпачынак у Берлінскім літаратурным калёквіуме.
Прэмія Гедройца прысуджаецца штогод за найлепшую кнігу, напісаную на беларускай мове, у жанрах «мастацкая проза» і «эсэістыка».
Сёлета ў шорт-ліст Прэміі імя Ежы Гедройца трапілі кнігі:
«Таўсціла і лешч» Андрэя Адамовіча,
«Прачнуцца ранкам у сваёй краіне» Валянціна Акудовіча,
«Белая муха, забойца мужчын» Альгерда Бахарэвіча,
«Рух» Алеся Пашкевіча,
«Шмат Чэслава Мілаша, крыху Элвіса Прэслі» Тані Скарынкінай,
«Завяршыць гештальт» Макса Шчура.
Ганаровы старшыня журы — пасол Польшчы ў Беларусі Конрад Паўлік.
Беларускае Радыё Рацыя
Глядзіце таксама
