«Гарадзенская шляхта: Бандыты і героі»
У Гародні прайшла публічная лекцыя на тэму: «Гарадзенская шляхта: Бандыты і героі». Сустрэча з гісторыкам Віталём Галубовічам, аўтарам манаграфіі пра беларускую шляхту, прайшла ў арт-галерэі «Крыга». Прадметам абмеркавання былі гарадзенскія шляхцічы ў XVI – XVIII стагоддзях.
Кажа Віталь Галубовіч:
— Гэтае жыццё ў Гародні віравала дзякуючы адной інстытуцыі, якая зноў такі некалькі гадоў была прадметам даследаванняў. Дзякуючы Гарадзенскаму сойміку. Шляхта прыязджала і рэгулярна былі адпаведныя паседжанні: яны дыскутавалі, «пускалі кроў» — страляніну ўчынялі. Шляхты прымала такія пастановы, якія на сённяшні дзень можна было б нават перачытаць, бо пад пэўным ракурсам яны ніколі не губляюць сваёй актуальнасці.
Гісторыя гарадзенскай шляхты, асобных шляхецкіх родаў альбо вывучана толькі часткова, альбо зусім не даследавана. Асабліва гераічныя ўчынкі гарадзенцаў — да такога меркавання прыйшлі ўдзельнікі лекцыі і дыскусіі.
Беларускае Радыё Рацыя, Гародня
