Гарадзенцы пабачаць эксклюзіўных лялек
Міжнародная выстава лялек адчынілася ў гарадзенскай галерэі “У майстра”. Выстава мае назву «Панна Doll’я» і на ёй паказана каля двух дзесяткаў працаў. Лялькі выглядаюць нібыта жывыя: дзяўчаты і жанчыны, прыгажуні і ведзьмы.
Кошт некаторых з іх, зробленых у адзіным асобніку, перавышае пяць тысяч эўра.
Расказвае мастацтва-знаўца Ала Матук:
– Выстаўленыя лялькі не заўсёды прыўкрасныя ў агульнапрынятым значэнні гэтага слова, але яны нікога не пакінуць абыякавымі, – гэта адназначна. Лялькі зробленыя з сучасных матэрыялаў. Гэта часцей за ўсё пластыка – халодная і гарачая. Яшчэ – фаянс, фарфор.
На выставе прадстаўлены працы лялечнікаў з Беларусі, Расеі, краінаў Балтыіі, Украіны, і яна будзе экспанавацца на працягу тыдня.
[Not a valid template]
Беларускае Радыё Рацыя
