Гарадзенцы спявалі пад энта і старажытную музыку
Амаль дзясятак гуртоў выступілі ў час фэсту этна і старажытнай музыкі, які адбыўся ў цэнтры Гародні на вуліцы Савецкай каля гарадзенскага моладзевага цэнтру.
Выканаўцы змянялі адзін аднога ў музычным карагодзе: «Літы Талер», «Яварына», Vuraj, «Вочы», Уладзімір Захараў, дзіцячы ансамбль «Сальтарелло», фольк-трыа Буйвід – Медзвядзюк – Адасік, Таццяна Салаўёва і Аляксандр Блахін.
Заканчэннем фэсту позна ўночы стала сярэднявечная діскатэка. Пра фэмт распавядае адзін з яго арганізатараў – Сяргей Фінскі:
– У гэтым годзе паспрабавалі быць бліжэй да народа. Вуліца Савецкая вельмі ўтульная. Вырашылі правесці другое мерапрыемства такога фармату. Не ўсе цікавяцца сярэднявечнай музыкай, таму ў мінакоў ёсць магчымасць спыніцца і паслухаць. І магчыма яны далучацца да нашага фэсту.
Такі фэст адбываецца ў Гародні другі год запар і гэтым разам галоўны арганізатар мерапрыемства – Гарадзенская філармонія – паклапацілася і пра вядоўцаў фэсту, якія абвяшчалі выступоўцаў на прыемнай беларускай мове.
[Not a valid template]
Беларускае Радыё Рацыя, Гародня
Фота Савелія Малчанава
Глядзіце таксама
