Гародня: “Фотасвет” Аляксандра Луцэнкі
У памяшканні гарадзенскага фотаклуба “Гродна” адбылося адкрыццё выставы актора і фатографа Аляксандра Луцэнкі. На здымках – вядомыя гарадзенцы і здымкі горада, дзеці і сталыя людзі.
Пра сваю выставу распавядае аўтар, Аляксандр Луцэнка:
– Гэта свет, які вакол мяне. Але калі гэта мой фотасвет, то гэта самае цудоўнае, што я бачу. Бо бывае я фатаграфую не самае прыгожае. Бо свет складаецца і з прыгожага, і з брыдкага. І гэтае агульнае і складае тое, што называецца жыццём.
На выставу прыйшлі гарадзенскія фатографы, а таксама асобы, што прадстаўленыя на здымках. Выставу можна наведаць цягам бліжэйшых двух тыдняў.
Беларускае Радыё Рацыя, Гародня
