Глыбоцкі хор “Ave Maria” адзначыў 15-годдзе існавання
Пятнаццацігоддзе адзначыў хор “Ave Maria” пры парафіі Святой Тройцы ў Глыбокім. Гэты калектыў неаднаразова ўдзельнічаў у разнастайных айчынных і міжнародных фэстах і конкурсах. На Усебеларускім конкурсе на лепшую песню да 500-годдзя Будслаўскай святыні перамагла песня ў яго выкананні.
Як кажа кіраўнік хору Ніна Казлоўская, у іх рэпертуары каля ста твораў на польскай, беларускай і лацінскай мовах. А ў хоры спяваюць на дадзены момант 18 чалавек.
– З музычнай адукацыяй засталося 5 чалавек. Астатнія – тыя, хто любіць спевы. Яны не маюць музычнай адукацыі, але вялікія энтузіясты, маюць музычны слых, хутка вучаць новыя творы.
Па словах Ніны Казлоўскай, шмат за гэты час напісана песень і музыкі. Але ёсць яшчэ да чаго імкнуцца – існуе запатрабаванасць у запісе дыскаў, аб гэтым просяць шматлікія слухачы, пакуль ён у іх адзін.
[Not a valid template]
Таццяна Смоткіна, Беларускае Радыё Рацыя, Глыбокае
Фота аўтара
Глядзіце таксама
