Гомелец малюе нячысцікаў, каб папулярызаваць беларускую міфалогію
Гомелец Яўген Кот малюе нячысцікаў, каб папулярызаваць беларускую міфалогію. Убачыць міфалагічных істот можна на сайце пад назвай “Беларускі бестыярый”.
Яўген Кот лічыць, што беларуская міфалогія мусіць быць даступная, каб беларусы ведалі беларускіх пячурнікаў ды азярніц, а не толькі замежных кашчэяў.
– Дзеці, як і мы ў дзяцінстве, жывуць у інфармацыйным полі больш масавай культуры. А што для нас масавая культура? Гэта рускія народныя казкі, якія вядомыя нам з дзяцінства, гэта галівудскія фільмы. А нашыя персанажы неяк застаюцца ў цяні.
Яўген Кот – стваральнік праекта “Беларускі бестыярый” пра беларускіх нячысцікаў. У скарбонцы ілюстратра – больш за 20 малюнкаў.
Беларускае Радыё Рацыя, Гомель
