Ігар Пятрышэнка: Патрэбна прапагандаваць вывучэнне гісторыі нашай краіны
24 ліпеня ў Слоніме адбылося выязное пасяджэнне нацыянальнага арганізацыйнага камітэта па падрыхтоўцы і правядзенні Дня беларускага пісьменства і друку, якое адбудзецца сёлета 1 верасня.
У пасяджэнні прынялі ўдзел намеснік прэм’ер-міністра Рэспублікі Беларусь Ігар Пятрышэнка, міністр інфармацыі Алесь Карлюкевіч, абласныя і раённыя чыноўнікі. Удзельнікі пасяджэння дэталёва разглядзелі ход выканання плана па падрыхтоўкі і правядзенню свята ў Слоніме, пабывалі на шэрагу аб’ектаў, якія рыхтуюцца да мерапрыемства.
Найперш чыноўнікі пазнаёміліся з работай па ўпарадкаванню горада, наведалі новы сучасны павільён РУП “Белсаюздрук” у цэнтры горада, плошчу Леніна, дзе рыхтуецца пляцоўка пад помнік Льву Сапегу, канал Агінскага, дзе вядуцца работы па яго ўпарадкаванню.
Ігар Пятрышэнка ў гутарцы з журналістамі адзначыў, што “Дзень беларускага пісьменства і друку – важная падзея для кожнага беларуса.
Мы ганарымся сваёй культурай і сваёй мовай. Нам неабходна і надалей прапагандаваць вывучэнне гісторыі нашай краіны, перадаваць гэтыя веды будучым пакаленням”.
Беларускае Радыё Рацыя, Слонім
Фота Slonim LIVE
Глядзіце таксама
