„Італьянскія гісторыі” ў Гародні
У будынку харальнай сінагогі ў Гародні адкрылася выстава пад назвай „Італьянскія гісторыі”.
Аўтарка выставы гарадзенская мастачка Улада Шамава, якая ўжо пэўны час жыве ў Чэхіі:
– Заўсёды, калі вандрую, а вандрую шмат, то нешта малюю. Звычайна скетчбукі – гэта А5, нейкая графіка хуткая. Тут я вырашыла, што ў мяне жадання і часу больш, вырашыла крыху большы фармат і нейкія больш завершаныя творы, каб можна было іх выстаўляць, а не проста скетчбук. Хадзіла з акварэллю, малявала літаральна на вуліцах, то бок пленэр гэта называецца, знаёмілася з людзьмі. Мы пасябравалі з усімі, потым я зрабіла з імі фотаздымкі, падаравала ім працы на выставе, там адкрыла выставу, мэр мяне прадстаўляў.
Мастацтвазнаўца Наталля Паўленка лічыць, што яе навука падштурхнула да станаўлення Улады Шамавай як мастачкі:
– Калі ёй было 12-13 гадоў, дзяўчынка не ведала чым яна хоча займацца, гледзячы на яе працы я сказала: „Пайдзі ў мастацкую школу, там цябе навучаць”. Вось тое, што мы бачым, гэта канешне вельмі добрая акадэмічная школа, якая мае падставы нарадзіцца ў Гародні. У нас мастацкая школа на самой справе з вельмі прафесійнымі мастакамі дае вось гэту адукацыю. Я бачу, што яна развіваецца далей.
Паглядзець працы можна цягам бліжэйшых некалькі тыдняў.
Беларускае Радыё Рацыя, Гародня
Глядзіце таксама
