Канцэрт Аляксандра Памідорава ў «Графіці» раптам забаранілі
9 кастрычніка ў менскім клубе „Графіці” меўся адбыцца канцэрт Аляксандра Памідорава і гурта „П’яныя госці”. Музыкі збіраліся прэзентаваць свой новы альбом. Але літаральна перад пачаткам імпрэзы яе забаранілі.
Да клуба „Графіці” прыехаў прадстаўнік Першамайскага РАУС і чатыры жанчыны з СЭС і выканкаму раёна. Яны заявілі, што канцэрт забаронены.
З’язджаючы, паведамілі, што „будуць маніторыць абстаноўку”. І сапраўды: кожныя пяць хвілін да клуба праязджае патруль міліцыі.
Нагадаем, Аляксандр Памідораў быў затрыманы ўвечары 19 жніўня пасля канцэрта ў менскім раёне Шабаны. Разам з Памідоравым затрымалі легенду беларускай цяжкай музыкі Уладзіслава Наважылава (Лэслі Найфа) — вакаліста гурта Gods Tower. 21 жніўня суд Заводскага раёна Менска прызнаў музыку вінаватым у парушэнні парадку арганізацыі або правядзення масавых мерапрыемстваў (арт 23.34 КаААП) і асудзіў да 8 сутак арышту.
