Канцэрт “Вечар з Агінскім” прайшоў у Новым замку Гародні
Арганізатарамі канцэрту выступіла генеральнае консульства Польшчы ў Гародні. “Адметнай прыемнасцю для жыхароў места – бясплатнае наведванне”, – гаворыць генеральны консул Анджэй Хадкевіч.
– На замку адбыўся канцэрт музыкі не толькі Агінскага, але і Шапэна, і Манюшкі, і Карловіча. Карловіч таксама гарадзенец, можна сказаць, бо за Смаргонню нарадзіўся. Хацелі мы яшчэ ў гэтым годзе запрасіць польскі камерны аркестр.
Культурныя праграмы, якія сёлета праводзіць дыпламатычнае прадстаўніцтва Польшчы, на думку наведнкаў імпрэз, вызначаецца вытанчанасцю і добрым густам.
Гэтак гарадзенцы ўжо пазнаёміліся з рэтраспектыўным паказам фільмаў Анджэя Вайды, мелі магчымасць быць канцэрце? прысвечаным Чаславу Немэну, наталіцца музыкай дзявятай сімфоніі Бэтховена.
Якуб Сушчынскі, Беларускае Радыё Рацыя
Глядзіце таксама
