Карціны беларускага жывапісца Фердынанда Рушчыца перададзены ў НММ
Тры жывапісныя работы нараджэнца Беларусі Фердынанда Рушчыца перададзены ў дар Нацыянальнаму мастацкаму музею Беларусі напярэдадні 150-годдзя з дня нараджэння майстра. Пра гэта гаворыцца на старонцы пасольства Беларусі ў Швейцарыі ў Facebook.
Карціны былі выкуплены ва ўнука мастака, мастацтвазнаўца, экс-дырэктара Нацыянальнага музея Польшчы Фердынанда Рушчыца пры фінансавай падтрымцы ганаровага консула Беларусі ў Лазане Андрэя Нажэскіна.
У Міністэрстве замежных спраў дадалі, што пасольства Беларусі ў Швейцарыі сумесна з ганаровымі консуламі ў Лазане і Цюрыху вядзе актыўную работу па вяртанні беларускіх культурных каштоўнасцей на радзіму. Толькі за апошнія два гады вернуты больш за 10 работ знакамітых мастакоў – ураджэнцаў Беларусі, сярод якіх Пінхус Крэмень, Надзея Хадасевіч-Лежэ, Восіп Любіч, Мішэль Кікоін, Рыгор Глюкман.
