Касцёл у Беларусі адмяніў праз COVID-19 традыцыйныя калядныя сустрэчы
Касцёл у Беларусі адмяніў праз COVID-19 традыцыйныя калядныя сустрэчы і дзяленне аплаткай. На гэты конт мітрапаліт Менска-Магілёўскі арцыбіскуп Тадэвуш Кандрусевіч выдаў распараджэнне, якое публікуе партал catholic.by.
У распараджэнні між іншым гаворыцца, што адмяняюцца традыцыйныя калядныя сустрэчы і дзяленне аплаткай з удзелам іерархаў; разам з тым, у парафіях, паводле разважлівага меркавання пробашчаў, прадстаўнікоў розных катэгорый вернікаў можна запрасіць на святую Імшу ці іншае адмысловае набажэнства, памаліцца ў іх інтэнцыі і сімвалічна падзяліцца з імі аплаткай;
традыцыйнае пастырскае наведванне сем’яў можа адбывацца выключна па запрашэнні канкрэтнай сям’і ці асобы з захаваннем медыцынскіх рэкамендацый;
традыцыйныя батлейкі-яслі ў касцёлах і капліцах або побач з імі неабходна ўсталяваць такім чынам, каб выключыць магчымасць утварэння каля іх натоўпу.
Беларускае Радыё Рацыя
Глядзіце таксама
