Хаменка – акустычны канцэрт у Гародні
Алег Хаменка, лідар гурта “Палац” выступіў у Гародні з паўтарагадзінным канцэртам у „Цэнтры гарадскога жыцця”.
Для многіх гарадзенцаў, што прыйшлі на канцэрт, гэты выступ стаў першым, дзе яны ўжывую змаглі паслухаць песьні гурта “Палац”:
– Неверагодна ўжывую бачыць і спяваць разам з чалавекам, чый голас рэгулярна чуеш па радыё.
– Упершыню на ягоным канцэрце. Асаблівым аматарам “Палаца” не з’яўляюся, а аказваецца, усе песні ведаю.
– Мой тата слухае „Палац”. Ён навучыў мяне слухаць сапраўды вартую музыку. Калі мне было дзесяць гадоў ці навт меньш, я “Палац” слухала. Вельмі рада, што маю магчымасць сёння паслухаць Алега Хаменку ў нас у Гародні.
Сам музыка Алег Хаменка вельмі ўсцешаны гарадзенскім канцэртам:
– Канцэрт, як я лічу, атрымаўся вельмі цёплы. Можа быць я, канешне, хацеў, каб публіка была больш актыўная ў пытаннях, але яны слухалі ўсё, як абсалютнае мастацтва. Гэта трошкі адказна. Я б хацеў больш разняволеных момантаў. Я ўражаны. Бісы спяваў. Спяваў паўтары гадзіны. Я думаў, што ўсе стаміліся. Не, прымусілі яшчэ і яшчэ спяваць. І я гэтаму вельмі і вельмі рады.
Гарадзенцы пасля выступу яшчэ амаль гадзіну не адпускалі музыку: рабілі з ім здымкі, бралі аўтографы. Наступным музыкам, што завітае ў Гародню з канцэртам ў „Цэнтр гарадскога жыцця” будзе Зміцер Вайцюшкевіч.
Беларускае Радыё Рацыя, Гародня
Глядзіце таксама
