Хутка ў Менску – Acoustic Sun Fest
„Арт-Сядзіба” аднавіла фармат летніх акустычных фестываляў. 20 ліпеня ў Менску пройдзе другі за гэтае лета Acoustic Sun Fest – міні-фестываль музыкі і паэзіі ў дворыку музея Якуба Коласа.
Кажа адзін з арганізатараў імпрэзы Алесь Снег:
– Людзі звычайна летам не ходзяць у клубы. Іх цяжка зацягнуць у нейкія памяшканні. Таму вырашылі адмыслова абраць вуліцы і зрабіць гэта акустычна, каб не перашкаджаць нікому. Тым больш, што ў нас ужо ёсць досьвед правядзення акустычных фестываляў. Гэта традыцыя і мы вырашылі яе працягваць.
На ліпеньскім фэсце можна будзе пачуць музыку гуртоў ZnaROCK ды :B:N:, а падчас паэтычнай часткі імпрэзы выступяць Андрэй Хадановіч ды Даша Бялькевіч. Наступны акутычны фэст „Арт-Сядзіба” плануе правесці ў жніўні.
Алена Вільтоўская. Беларускае Радыё Рацыя. Менск
Глядзіце таксама
