Кінавечар памяці Аляксандра Кулінковіча пройдзе ў Менску ў верасні
10 верасня ў кінатэатры Velcom Cinema (гандлёвы цэнтр Dana Mall) пройдзе вечар памяці спевака Аляксандра Кулінковіча, заснавальніка і лідара гурта Neuro Dubel. Пачатак вечарыны прызначаны на 19.00.
На вялікім экране будуць паказаны фрагменты з кінаработ Кулінковіча. Акрамя таго, адбудзецца паказ трагікамедыі “ГараШ”, дзе спявак згуляў галоўную ролю, паведамляе кінарэжысёр Андрэй Курэйчык.
На вечарыну запрошаныя калегі, сябры, сям’я, партнёры па здымачнай пляцоўцы. У зале прагучаць словы і ўспаміны пра Кулінковіча ад тых, хто яго ведаў і любіў, прагучаць яго песні.
Аляксандр Кулінковіч памёр 4 жніўня ад ускладнення пры запаленні лёгкіх. Артыст пахаваны на Паўночных могілках Мінска.
Частка квіткоў на вечар памяці Аляксандра Кулінковіча будзе ў адкрытым продажы. Сабраныя грошы пойдуць сям’і нябожчыка артыста.
