Кіно ў межах тыдня супраць фашызму і антысемітызму
«Хваля» – паказ такой кінастужкі адбыўся ў Берасці ў творчай прасторы незалежнага тэатра «Крылы Халопа».
Мерапрыемства адбылося ў межах Тыдня супраць фашызму і антысемітызму, – распавёў сузаснавальнік праваабарончай арганізацыі «Human Constanta» Валдзіс Фугаш:
– Нам здаецца вельмі важным паказаць менавіта гэты фільм і паспрабаваць абмеркаваць тое, што ў ім апавядаецца, паказваецца, таму што ён заснаваны на сапраўдных падзеях, якія адбыліся ў межах школьнага эксперыменту, дзе абсалютна ў ліберальна-дэмакратычнай краіне ўдалося пабудаваць аўтарытарную супольнасць, якая аднавіла тыя ж самыя механізмы і стасункі, якія ўжываліся і існавалі ў межах трэцяга рэйху і любых іншых фашыстоўскіх рэжымах.
Дадаткова пасля прагляду кіно было арганізавана абмеркаванне, у дыскусіі прыводзіліся прыклады дыскрымінацыі ў беларускім грамадстве сёння.
Беларускае Радыё Рацыя, Берасце
Фота: 34mag.net
Глядзіце таксама
